الحي المهجور ( قصة قصيرة )

 في يوم من الايام كانت هناك مجموعة من الفتيان المشاغبون يذهبون الى احياء مهجورة جداً ورغم انهم سمعوا عنها انها مهجورة ومسكونة،الى ان اتاهم الفضول لكي يعرفوا و يتحققوا من صحة كلامهم هل هو بالفعل صحيح ام لا ؟ وذهبوا اليها فوجدوت الحي مهجور وموحش اكثر مما تصوروا ولكن بطريقة ما مدت يد وسحبت رئيسهم الى منزل كبير ضخم مهجور ومليئ باﻷشباح و لم يرجع ابدا لدرجة انه ظن احدهم ان رئيسهم قد هرب وقال للمجموعة: ان رئيسنا قد هرب ولن يرجع وعندما سمع ذلك مساعد الرئيس لم يصدق ذلك و ذهب ليبحث عنه في كل المنازل،وعندما وصل لآخر منزل الذي هو نفسه فيه الرئيس وعندما بدأ بالدخول كان قلبه يخفق وبسرعة وكان الخوف يمﻷ قلبه وعندما دخل وجد رأس رئيسه وهو ايضا مساعد الرئيس ابتلع ومات ولم يتبقى له اي اثر،والفتيان الاربعة الباقون كانوا واقفين لمدة ثلاثة ساعات  بعد منتصف الليل وبقيت ساعة لطلوع الفجر و لكن احد هؤلاء الاربعة و اسمه هو مجد صرخ وقال: آآآهتابع قصة الحي المهجور.. لقد مللت مرت ساعتان ولم يرجع الرئيس ولا حتى مساعده سوف اذهب ﻷبحث عنهما!... انتم الثلاثة ابقوا هنا حنى ارجع ! حسنا؟! وبعد ذلك هو الآخر ابتلع وسار من ضمن الموتى وبعد ساعة طلع الفجر وذهبوا الى حيهم ظننا بهم ان الثلاثة الباقون ( الذين قد ماتوا ولم يعلموا ذلك بعد ) وذهبوا الى اهل هؤلاء الشبان الثلاثة وقالوا: هل رأيتم رئي.. اقصد ابناءكم؟! وقالوا لهم : لا،لماذا؟ ثم قالو :لانهما اختفيا وصديقنا الثالث في الحي المجاور لنا! وعندها ذهب الاهل في الحي المجاور وعندها بحثوا عنهما وتفاجؤا من انه قد ماتوا وسمعوا من المنزل اصوات  تقول: اخرجوا! اخرجوا!اخرجوا! من حينا هذا ! هيا !هيا!هيا! بسرعة!بسرعة! قبل ان ابتلعكم ! وبعد ذلك خرجواا الاهل من الحي وجميع من كان فيه الى حيهم و قد عانوا في حياتهم بسبب هؤلاء الفتيى .

الغرفة السوداء البارت 11+12+13+14+15+16

قلت لها: ممممم لا بس سمعت عنه انو هو واحد مو طيب العكس زي الي يجي يكحلها يقوم يعميها !
قالت :طيب انا دحين رح اقلك اسم الكتاب و اسمه "ذوات المعرفة "
و انا لما سمعت دا الاسم انصدمت لدرجة خلتني انشل و قلت في نفسي: يعني انا لما اهرب من دا الكتاب يلحقني !؟ دا الكتاب شكله رح يلحقني طوال عمري يعني ؟! لا لا لا لازم الحق نفسي قبل ما يسوء الامر و اتوقع صحباتي زي لانهم راحوا معايا عنده و رحت عند اختي ميار و قلت لها : ميارتي يا احلا اخت في العالم
قالت : هلا يا حبيبتي تحتاجي شي اسويلك؟
قلت لها : ايوا .. انا ابا اكلمك في شي و دا الشي انا مضايقة منه
قالت : من عيوووني قولي و انا مارح اقول لامي الا لما تطلبي مني
ارتحت وقلت : انا رح اقلك الممكن الي خلاني في دي الغيبوبة والتعب النفسي بدأ كل دا بسبب كتاب اسمه "ذوات المعرفة " الي اعطتني هوا صحبتي او بالأصح الي جابتوا صحبتي ....
و حكيتلها كل شي سار و حتى عن خطتي اني اكذب على امي و عن المستشفى
وقالت لي و هي مصدومة :  الله يهديكي على الاقل قوليلي كان اتصرفت دحين
قلت :طيب دحين ايش رح نسوي ؟
ميار قالت : خلاص خليني افكر شوية
قلت : طيب، انتي تلاقني في غرفتي لما تخلصي من التفكير قوليلي طيب؟
قالت: طيب خلاص ، واذا ما لقيتك في غرفتك فين ممكن رح تكوني ؟
قلت: ممم يمكن عند اريج ، او عند سامي ، او عند فيصل و اذا مرة مالقيتيني في دي الاماكن رح تلاقيني جالسة في الصالة
قالت : طيب خلاص اذا ، باي
قلت : يلا في امان الله
قالت : سلام
و رحت غرفتي اخذلي غفوة على بال لا اختي تخلص ... و دخلت الغرفة و رميت نفسي على السرير و اول ما حطيت راسي على المخدة نمت وحلمت إنو كنت في غرفتي بس الغريب اني ما قدرت اتحرك و كأني انشليت و في شي اسود و كان سواده عاتم لدرجة حتى في الظلام اقدر اشوفه و الشي الاسود كان طوييييل و كان يقرب مني اكثر و اكثر الين و صل عندي و مد يدينه الاثنين لرقبتي و بدأ يخنقني و انا احاول احرك راسي  او حتى جسمي بس ما قدرت حسيت نفسي كأني بموت وبدأت اتشهد في قلبي و بعد ما اتشهدت اختفى الشي الاسود زي الدخان و بعدين صحيت من نومي على صوت اختي رشا و هي بتناديني و تهز فيا
رشا : سحر ! سحر ! سحر! ... الحمد لله صحيتي و الله خوفتيني عليكي حسبت سار معاكي زي اول
قلت : لا لا لا الحمد لله صحيت بس كيف جيتي عندي ؟
قالت : انا كنت بمشي من قدام غرفتك عشان اروح غرفتي و لما كنت بمشي من قدام غرفتك سمعت صوت غريب في البداية حسبتك بتتفرجي فلم مرعب او شي لكن لما ركزت شوية الصوت كان غريب  فكرت انو من المستحيل احد يسويه بصوته ولو اتعدل بالاجهزة و كمان حسيت انو الصوت كان في الغرفة هو يبان اذا كان من جهاز او يعني حقيقي  بعدين دقيت الباب ما رديتي و دقيت الباب مرة تانية ما رديتي و بعدين قلت خليني اجرب افتح الباب يمكن يكون مفتوح و بعدين لما حركت مقبض الباب عىى اسفل لقيت الباب انفتح معايا و لما شفتك انفجعت منك لقيتك طايرة في الهوا و بيطلع الصوت الغريب  منك و خفت منك بس استجمعت قوتي و قلت لازم امسكك قبل لا تطيري مكان بعدين و رحت على طول نطيت فوقك بقوة ونزلتك و لما نزلتك راح الصوت منك و بعدين حسيتك طبيعية و حاولت اصحيكي يس انتي مو راضية تصحي ناديتك و هزيتك و انتي مو راضية تصحي و دحين الحمد لله صحيتي
ما رديت عليها عشان انا مو عارفة ايش اقلها و المشكلة انا ما اباها تعرف عن اني وديت نفسي لمصيبة كبيرة
و بعدين دخلت علينا ميار وقالت : ايش جالسين تسوا ؟
قلت : ل .. لا ولاشي قاعدين نتكلم
قالت رشا : يا ميار في شي سار مع ...
انا على طول حطيت يدي على فم رشا لاني ما ابا ميار تعرف بالموضوع
ميار : اشبك حاطة يدك على فم البنت خليها تتكلم
انا همست لرشا و قلتلها : لا تتكلمي ولا بحرف بعدين اقلك ليش
ميار : ما شاء الله من متى و انتم بينكم اسرار تخبوها عني ؟
قلت : ها .. لا بس كنت بقلها اني اقلك ايش سار
ميار : ايش سار ؟
قلت : قالتلي رشا انو اليوم صحبتها قالتلها انها اشترت شطنة حلوة من مدينة لاس فيغاس الامريكية و عجبت رشا و تبى وحدة
ميار : اها طيب بعدين اشوف الشطنة دي لكن ممكن يا رشا تروحي عشان انا و سحر نبى نتكلم مع بعض و اما احد يعرف ايش بنقول يعني بإختصار ابا اقلها سر
رشا : طيب دحين اروح
و قبل ما تخرج رشا من الغرفة ميار قالتلها : اصحك لو تتصنتي علينا
رشا : ان شاء الله ، اصلا انا كنت بروح غرفتي
و بعد ما راحت رشا من الغرفة
ميار : سحر .. عرفت ايش رح نسوي !
قلت : امااانه !
قالت : والله !
قلت : طيب ايش رح نسوي ؟! قالت : نروح عند امي و نقلها نبى نروح عند شيخ يقرا عليكي يمكن يكون فيكي شي لاسمح الله
ولا ايراديا قلت : لا لا لا ! ما يحتاج تودوني عنده !
قالت : ليش لا ؟! احنا بس نبى نتأكد
قلت : انا قلت لا يعني ! خلاص انتهينا !
قالت : طيب يا سحر انا رح اوريكي يا سحر انا رح اوريكي ، شغل العناد دا انا رح اكسره دي المرة
قالت ميار دا الكلام و و قامت من سريري و لما وصلت عند الباب طالعت فيا كأنها حزنانة عليا
قالت : اختي... ترا انتي متلبسة و اظن انك عارفة ايش يعني متلبسة صح ؟
انا انفجعت لما قالت دا الكلام وقلت : ميااار !
قالت بملل : نعم ؟
قلت : نعامة ترفسك ! تعالي هنا ابا اكلمك شوية
جات عندي و قالت : ايش تبي ؟
قلت : انتي تمزحي صح؟
قالت : لا ما امزح لا زم تروحي عند شيخ عشان يقرا عليكي
قلت : طيب انا رح اروح بس لا تقولي لأمي انو احنا بنروح عنده
قالت : طيب ، اذا بكرة جهزي نفسك عشان نروح عنده
قلت : طيب
قالت : يلا تصبحي على خير ،انا رايحة انا عشان بكرة عندنا يوم طوييبل
قلت : و انتي من اهلوا
بعد ما راحت حسيت بشعور غريب و كأني خايفة من شي و افتكرت شي انو لما قالتلي ميار في المرة الاولى انو نروح عند شيخ رفضت دي الفكرة لكن في نفسي انا متقبلتها لكن دحين انا بنفسي الي قررت اروح عند الشيخ ، حسيت بغرابة و قلت في نفسي : يا ربي دحين ايش اسوي اخاف بكرة ما ارضى اروح عنده*
*اليوم التاني الساعة 5:00 م
ميار :سحر سحر
قلت: نعم نعم نعم ايش في ؟
ميار : يلا قومي عشان تجهزي نفسك
قلت: ليه ؟ فين رايحين ؟
ميار: نسيتي انو انا وانتي بنروح عند الشيخ
قلت: اااااه ايوا صح افتكرتوا عشان دوبي صحيت
ميار : طيب يلا روحي الحمام غسلي وجهك عشان تصحصحي
قلت : طيب دحين اقوم
و قمت رحت الحمام و غسلت وجهي و فرشت اسناني و رجعت غرفتي عشان البس ملابس للخروج و اخدت عبايتي و حطيتها في الشنطة رحت عند غرفة ميار و دقيت الباب و دخلت الغرفة
ميار: يلا خلينا نمشي بدري عشان الطريق طويل
قلت : طيب
و اتجهنا لباب البيت و جينا بنفكه ... فجأة جات اختي رشا وقالت :فين خارجين ؟
ميار : بنروح نتمشى في الحوش
رشا : طيب خدوني معاكم .... ترى ما يحتاج دا كلوا انا عارفة الموضوع و ايش بيسير
قلت : ايش قصدك ؟
رشا : قصدي انتم دحين بتروحوا عند الشيخ عشان سحر تتعالج  وانا كمان جهزت نفسي و اخدت عبايتي معايا
ميار : طيب خلاص تعالي معانا و برا في الحوش نلبس عباياتنا
و خرجنا للحوش و لبست عبياتي و خرجنا من البيت مع السواق عشان يوصلنا.
مرت ساعة تقريبا و احنا في الطريق و الشمس خلاص بتغرب
قلت بملل: اوووووف متى نوصل ؟! سرلنا ساعة واحنا في الطريق !
ميار : خلاص قربنا نوصل لبيته
و وصلنا لبيت الشيخ محمد صالح
تابع...
دقينا جرس البيت و فتحلنا ولده الصغير و قلنا: اتفدلوا
و دخلنا البيت و قلت انا و ميار ورشا : السلام عليكم
و جاتنا زوجته وقالت : وعليكم السلام اتفضلوا من هنا
و دخلتنا في مجلس كان حلو ومرتب و نظيف
زوجته : دحين يجي محمد
و جا الشيخ محمد و سأل ميار : فينها الي رح اقرا عليها ؟
ميار و هي بتأشر عليا : هاذي هي سحر
الشيخ: طيب انتم ابعدوا عنها ماعدا انتي ( و كان يأشر على رشا) اقعدي معاها لانها ممكن تجيها ردات فعل قوية و انتي تمسكيها
.
.
.
.
.
.
انا رشا انا دي المرة الي رح اكمل القصة
بدأ الشيخ يقرا على سحر و انا خايفة عليها لاني كنت دارية عنها انها راحت اول مرة عند الساحر اشرف هي و صحباتها و بعدين امي ودتها عند اشرف مرة تانية و سحر كذبت على امي و كنت ادري عن كل شي ماعدا الي سار عند اشرف و دحين رح اكمل عند لما رحنا للشيخ
و بدأ الشيخ يقرا عليها بعض من الايات من القران و سحر بترتجف بقوة لدرجة انو رشا ما قدرت تمسكها و الشيخ يكمل قراءه الين ما طلع صوت يخوف من سحر و الصوت دا مستحيل سحر تسويه والصوت دا كان بيقول : خلاص خلاااااص و قف وقف وقف
الشيخ : من انت ؟
الصوت (الجني ) :خادم
الشيخ : من الذي ارسلك ؟
الجني : ما ابا اقووول
الشيخ بيضرب الرجل اليسار للسحر
الجني : اااااي ما ابا اقول ااااي
الشيخ بيكمل ضرب بقوة: تكلم !
الجني :اااااي اااي اااي خلا خلاص انا رح اقول مين الي ارسلني
الشيخ : مين ؟
الجني : واحد من السحره يعيش في الحي .... و في الشارع ..... و البيت الخامس
الشيخ : اخرج اخرج من هذا الجسد اخرج منه
الجني : مااااا ابا
بدأ الشيخ من جديد يضرب رجل سحر و الجني بيتألم و يتألم الين ما قال: خلااااص طيب طيب انا رح اخرج انا رح خارج انا خارج انا
و راح الصوت واغمى على سحر قعدنا هناك كم دقيقة و فاقت
الشيخ : الحمد لله خرج الجني من جسمها
و بعدين رجعنا البيت و لا كأنه صار شي و سوينا معاه عدة جلسات الين ما اتأكدنا انو ما فيها شي و تابت سحر من الي سوته و غيرت اثاث غرفتها ورمته في الشارع و تم القبض على الساحر و دفنوا كل كتب السحر في مكان ما يقدروا يوصلوله الناس
رشا: حبيت اقول انو في بعض الناس يلجأوا للسحره و المشعوذين بدل ما يلجأوا لله و المعالجة عند الختصين في دا الشي ، احذروا و حصنوا نفسكم كثير
النهاية

الغرفة السوداء البارت 6+7+8+9+10

عني انتوا تحسبوا اني غبية! او تحسبوا انو دي الاشياء حقت مزح؟! و كمان لا تحاولوا تقولوا لي اني اروح لا انا مارح اروح معاكم
وبعد كل هاذي العصبية و جو التوتر شكرناهم على حسن الضيافة و بدأت رحلتنا للساحر اشرف و احنا في الطريق حسيت بأحد ورايا على الرغم بأنو مافي احد و انا ما اهتميت و مشيت ... و وصلنا لبيت اشرف بس البيت ما كان زي ما دايماً تسمعوا لا .. بيت عادي زي اي بيت و دقينا الباب مرة .. مرتين .. ثلاثة مرات محد رد و لا احد فتح و رحنا للبيت الثاني الي جمب بيت اشرف و دقينا الباب و ردت البنت الي في البيت و قالت: مين ؟
ردت عليها عبير : احنا جيرانكم بس بنسألكم عن بيت واحد اسمه اشرف ساكن في البيت الي جمبكم
قالت لنا بتردد : امممم هو م م م موجود بس ما رح يفتحلكم في النهار بس في الليل هو رح يفتحلكم الباب و قلنالها : طيب شكراً
و رجعنا لبيت يارا عشانه اقرب من بيت سماهر و جلسنا نتحكى و نلعب و نسوي و اجباتنا الين صارت الساعة 12:00 الليل و جلسنا نتجهز عشان نروح  عند اشرف و احنا في الطريق لبيته حسيت نفس الاحساس الي حسيته اول مرة لما كنا نبى نجي عنده و طنشت دا الاحساس الين جينا عند بيته و وقفنا كدا قدام الباب و عبير قالت و هي خايفة : يا بنات ايش رأيكم خلاص ؟
قالت لها هند : خلاص ؟ كيف يعني ؟
قالت عبير : يعني ما نروح عنده شوفي كيف البيت يخوف من برا ولا كمان دا من برا فكيف رح يكون من جوا؟
ردت سماهر : و الله صح كلامك كيف رح يكون من جوا والله بدأت اخاف
قالت لهم شروق و هي معصبة : خلاص اسكتوا! طفشتوني منكم و بعدين احنا قعدنا نستنى الين دا الوقت و قطعنا كل دي المسافة و بعدين تجوا تقولوا احنا خايفين ؟!
وبعدين الكل سكت و دقينا باب بيت اشرف (طق طق طق ) و يفتخلنا على طول واحد صغير قصير و يبتسم و يقلنا : اهلا وسهلا شرفتونا بدخولكم للبيت اتفضلوا اتفضلوا هذا عز و شرف لنا لكن انتم متأكدين انكم جبتوا الكتاب؟
الصراحة انا لما سمعت سؤاله استغربت و قلت في نفسي ليكون دا القصير هو اشرف ! لالا ما اتوقع اكيد دا ولدوا الصغير طيب لو كان ولدو الصغير ما رح يكون صوته ضخم !لالالالا يمكن دا واحد من الخدم بس متشكل على طفل صغير انا كدا لازم اعرف ايش في جوا البيت و اول ما اتخطت رجلنا من عتبة الباب و سمعنا على طول وحدة بتصيح وكانت صرختها مرة تخوف مايقدر يتحملها بشري و كلهم خرجوا الا انا ... انا ماكنت مستوعبه الي بيصير و انا واقفة مكاني متخشبة و الي قطعني عن سرحاني صوت الباب و هو يتقفل بقوة و ما ادري ايش اللي خلاني افتكر في وقت زي كدا اني انا الي معايا الكتاب افتكرت انو شروق اعطتني الكتاب و انا حطيته في شنطتي كل دا افتكرته في لحظة بس كان المكان الي انا كنت واقفه فيه كان ظلااام مظلم مرة و في و سط الظلام دا كان في نور بينزل من فوق و الواضح انو قدامي كان درج و كان النور كل ما يقرب كل ما يوضح شكل الشخص الي ماسكه و النور كان شمعه و لما قرب مني دا الشخص قلي يا سحر فين الكتاب انا اشرف و قلت بخوف وانا و برتجف : م م معايا ف ف ف في الش ش شنطة اذ ذ ذا ك ك كنت تبغاه خده انا ما ابااااااه ما اباااه
قلي : هاتيه و اذا كنتي تبي تستفسري عن الكتاب دا او اي شي تعالي عندي و انا رح اقلك ببلاش
و اعطيته الكتاب و اول ما اعطيته هو انفتح الباب و خرجت و لقيت البنات مغمي عليهم و طايحين في الشارع و انا كنت ابا اروح عند وحدة من البنات بدأت احس بدوخة و على طول طحت و اغمى عليا انا كمان
و بعد ما صحيت من الغيبوبة لقيت جمبي دكتور و قلي : يا بنتي انتي ايش صارلك قبل ما تدخلي في دي الغيبوبة ؟
قلتله : انا اول شي كم يوم و انا في الغيبوبة ؟
قال: امس في الليل جا واحد رجال و بنته شافوكي انتي و البنات الي معاكي طايحين في الشارع و قبل ما انتي تصحي البنات صحيوا و سألوني نفس السؤال "كم يوم و انا في الغيبوبة؟ " و قلتلهم نفس الي قلتلك هوا بس محد جاوبني على سؤالي " ايش صارلك قبل ما تدخلي في دي الغيبوبة؟ "
ارتبكت شوية و قلت : الصراحة اهلي ما اباهم يعرفوا اللي صار و انا رح اقلك كل شي....
و بعد ما قلتله الي صار معايا كتبلي ورقة خروج  انا وصحباتي و خرجنا من المستشفى و رجعت لبيت يارا و دقيت على فيصل عشان ياخذني لان خلاص صارت الساعة 2:00 بعد الظهر و رجعت للبيت و قلي اخويا فيصل: ترا احنا ما تغدينا لو ما تغديتي لسه اتغدي معانا طيب؟
قلتله : لا انا خلاص اتغديت
قال فيصل: طيب... بس نسيت اقلك انتي ليه اتصلتي عليا كدا بدري مو قلتي الساعة الثلاثة ؟
قلت له: عشان جابوا غدا من برا و اتغدينا بدري و بعد ما اتغديت اتصلت عليك
قال: اها .. خلاص طيب
و دخلت غرفتي و انا احس بثقل على اكتافي و حطيت جسمي على طول على السرير و نمت و حلمت و كان الحلم كالتالي: كنت في غرفة سودا و كأنها غرفتي بس الغرفة الي انا فيها كانت فاضية  بس الي كان فيها في وسط الغرفة طاولة مستطيلة من النوع القديم و كان المكان يشبه السجن حتى الباب نفسه زي ابواب السجون و فجأة سمعت صوت خطوات بتجي عليا و الصوت كل شوية يقرب .. ويقرب ..و يقرب الين جا دا الشخص و كان لابس قناع اسود و كل شي لابسه اسود في اسود كأنه شوية و يجي يعدمني (الإعدام) و فتحلي الباب و هو ما اتكلم ولا بحرف واحد و اشرلي اني اخرج من الغرفة بعد ما فتح الباب و لما خرجت ورحت على غرفة اخويا سامي و دقيت الباب ( طق طق طق )
قال:مين؟
قلت: انا.. سحر
قال : طيب.. ادخلي
ودخلت في الغرفة و سامي قلي: اجلسي في الكرسي دا (و بيأشر على كرسي الكمبيوتر )
قلتله : طيب دحين
وجلست و سكتنا لمدة و
قال: سحر...
قلتله: نعم ؟
قال: انتي ليش جيتي في دا الوقت المتأخر؟
قلت:متأخر؟
قال:ايوا متأخر شوفي الساعة كم سرلك اربعة وعشرين ساعة وانتي نايمة
قلت : لا طيب انا قبل شوية نمت و ...
قبل ما اكمل كلامي شفت الساعة عنده ليقتها الساعة اتنين و نص في اليل
قلت: طيب لما ما صحيتوني؟ على الاقل صحوني عشان اصلي
قال : هه اصلا احنا كل ما ندق عليكي الباب و نقلك قومي صلي تقولي دخين اقوم وتسحبي علينا
قلت له: طيب انا ما افتكر اني قلت كدا ؟ كيف كدا؟
قلي: والله انا ما ادري عنك ... اقلك شي؟..
قلت : ايش ؟
قال: احيانا احس انك تكذبي على امي او على احد مننا
قلت : لا مستحيل اكذب عليكم .. استأذن منك
قال: إذنك معاكي ... اه الله يهديكي يا اختي
قلت له : امين
و خرجت من غرفة سامي و رحت المطبخ عشان جيعانة و خليت الخدامة تسويلي نقانق و رحت الغرفة عشان اريح شوية و غفيت بدون ما احس كأني في غيبوبة و شفت الحلم نفسه مرة تانية لكن دي المرة قبل ما يخلص الحلم نفس الشخص الاسود قلي كلمة بس انا ناسية الكلمة و شفت فوق الطاولة الاكل الي سوته الخدامه و الواضح انه عفن و طالعت في الطاقة (النافذة) حقت الغرفة خلاص لقيت الشمس طلعت و حاسه نفسي تعبانه على الرغم من اني اخذت كفايتي في النوم و رحت الصالة لقيت امي باين عليها القلق واول ما قلت : السلا...
امي على طول حضنتني و قالت : الحمد لله الحمد لله يا بنتي على سلامتك!
قلت : ايش؟ !ليش اشبي انا؟
جا اخويا عقيل و قال : الحمد لله على السلامة يا سحر انتي كنت في غيبوبة لمدة شهرين
امي قالت : ايوا والله يا بنتي تعبنا معاكي و لما وديناكي المستشفى
قال الدكتور : هي مافيها شي بس في شي غريب انو هي في غيبوبة مع انة ما في شي يشير مقنع انها سارت في الحالة دي هي بنتك فيها شي؟
ويا بنتي لما سألني دا السؤال انفجعت و قلت: لا مستحيل هي ما تخرج من غرفتها ابدا و لو راحت مكان تروح معايا او مع اختها رشا
و قلي: اكيد بنتك فيها شي بس ان شاء الله الكلام ما يكون صحيح
و بعدين في الشهرين هاذي كنا نروح عند صحباتك و كانت حالتهم اخص منك و اضطرينا نروح عند واحد مشعوذ اسمه .... نسيت اسمه يمكن كان شرف..او مشرف..او يمكن اشرف المهم وديناكي عنده بس طبعا بعد ما قبلوا يخرجوكي من المستشفى و لما رحنا عنده قال انو في جني عاشقها و اعطانا بخور و ورق وقلم احمر نكتب كلمات و الكلمات كانت غريبة و حروف ملخبطة و نعيد الكلمات الين ما يخلص الحبر
وقلت لأمي : اشرف! هو انتوا ما رحتوا الا غير عند اشرف من بيييين كل السحر و المشعوذين ! طيب ايش اسم الكتاب الي اععطاكي منه الكلمات؟ !
قالت لي : طيب يعني انتي تعرفيه يا بنتي ؟!

الغرفة السوداء البارت 1+2+3+4+5

 و الين هنا ولسه ما بدأت الحكاية و رح تبدأ من هنا : في يوم افتكرت انو من زمان ما اعطيت هدية ﻷمي ففكرت اني اجبلها هدية وتكون مفاجأة لها ولا حتى اي من اهلي يدروا عنها بس من فين اجيب الهدية؟ ... ففكرت اني اشتغل و اكيد انتوا بتسألوا ليش ما اخذ الفلوس من ابويا ؟انا رح اقلكم ليش... بسبب انو من عاده ابويا لازم يسأل احنا ليش نبى فلوس فشتغلت و نوع الشغل هو عاملة في احد مقاصف ( مقصف ) المدارس غير مدرستي،  و اما بالنسبة لمدرستي و في يومي الأول ما قدرت اتعرف ولا على أي بنت في المدرسة فكنت مضطرة اني اقعد لوحدي في الفسحة او الصرفة.. و بعد اسبوع وانا على دا الحال اتعرفت على بنت اسمها شروق و صحبات شروق هم سماهر عبير هند يارا و بعدين هذول البنات ساروا صحباتي و اكتشفت انو البنات الي اتعرفت عليهم زي بالضبط يهتموا ب(الي يسموه ) ما وراء الطبيعة او الحوادث الخارقة للعادة مثلا زي الجن والشياطين و السحره و السحر و خلافه من دي الاشياء فكل ما قابلنا بعض نتكلم عنهم لوقت طوييييل .
و في يوم من الايام جات شروق و صحباتها و قالت لي (شروق) : سحر!سحر! شوفي ايش لقيت و اشتريته بالسر ؟!
رديت عليها وقلت لها : " بالسر " ؟! ايش لقيتي؟
قالت لي: لقيت كتاب  سحر و عنوانه : " ذوات المعرفة"
و قلت لها بحماس : طيب قريتيه؟! ردت عليا بسخرية : هههههه لا بس قريت المقدمة الصراحة  انا خفت و لما قريت المقدمة حسيت بخوف و حسيت بنسمة مدري من فين جات بالضبط على رقبتي و جسمي اتقشعر
قلت لها: طيب .... ايش كان مكتوب فيها ؟
قالت لي : كان مكتوب فيها : "احذر فإنه ليس للمزاح و ليس للمتعه او العب  به و قد لا يناسك فمن الافضل ألا تقرأ او تسمع ماكتب فيه فإذا قرأته ستكون المسؤول عما سيحدث لكن و كن مستعداً لما ستواجه من عواقب فقد اعذر من انذر"
قلت لها : طيب ايش رأيك لو نقرأه مع بعض احنا السته البنات ؟ و يمكن المؤلف بيمزح
قالت لي هند : "بيمزح "؟! منجدك انتي ؟ لا يا حبيبتي دا الكلام الي قالته شروق صح ميه بالميه اصلا حتى شوفي شكل الكتاب و انا كم مرة قلت لشروق ارمي الكتاب يا شروق ارميه !
و بالفعل لما ركزت شوية كدا لقيت الكتاب من برا غلافه كان ملمسه غريب و مميز لما بدأت اتحسسه  كان غلافه من جلد بس الجلد يحسسك  كانه جلد انسان مو اي حيوان ... و بعدين ما كان له اسم مؤلف لا في الكتاب ولا حتى في غلافه و معروف انو كل الكتب لها اسماء مؤلفين و حتى في الكتاب ما فيه فهرس كدا يخلي الكتاب غريب و حتى المقدمة باين عليها.. او فيه احد كتبه ولا كيف اصلا طوال كتابات كانت حروف و كلمات و بعض الارقام الغير مفهومة و الي ما فهمت شي منها كانت مكتوبه باللون الاحمر القريب من لون الدم وبس المقدمة هي الوحيده الي مكتوبه بالون الاسود و المشكلة اني انا ما اعرف ايش مكتوب في الكتاب كانت حروف و ارقام و كلمات غريبه و كان في كلام هو الوحيد الي مفهوم انو طالبين اننا ننفذ الي مكتوب في الكلام المفهوم زي مثلا مكتوب في الكتاب " احضر وعاء و اوراق و قلم احمر..." وزي كدا و في كلمات غريبة زي كلمة "اسلوال" و كلمة " شناويل" و في كلمات كثيرة ما اعرف ايش معناها
وقلت للبنات : ايش رأيكم ناخذ الكتاب عند اي احد يعرف الي مكتوب فيه و يفسرلنا الي مكتوب فيه ؟
البنات : طيب
قالت عبير : فكرة حلوة بدل ما نقعد حايسين بس عند مين نروح ؟
انا و البنات الا يارا و عبير : مدري والله
و اقترحت علينا يارا و قالت : طيب في ساحر يعرفوه اهل الحي الي عندنا غإيش رأيكم نسأل الناس الي هناك و كدا حنعرف فين عنوانه ؟
البنات كلهم ومن ضمنهم انا : طيب ! فكره حلوة !
فقالت يارا : طيب اليوم بعد المدرسة الساعة 4:30 بعد العصر نسأل اهل الحي و جراننا عن مكان الساحر ؟
البنات : طيب
قالت سماهر :طيب ايش رأيكم نتجمع في نفس الوقت عند بيتي او بيت يارا ؟ عشان انا بيتي في الشارع التاني بس قريب من بيت يارا
يارا: طيب فكرة حلوه بس افضل عند بيتي عشان يكون اقرب لبيت جارتنا بس بشرط انو ما نقول ﻷهلنا يكون احسن
ودق الجرس على انو خلصت الفسحة و انا في الفصل شوية افكر في الخطة بس من جهة تانية ابا اشتري هدية لماما و راتبي نزل و اخذته فقررت اني على طول لما السواق يجي اخليه يستناني شوية عند السوق و اشتريلها نسيت اقلكم انو رقم فصلي 2 انا و شروق و عبير في فصل و اما يارا و سماهر و هند في فصل رقم 6 و هاذي طبعا السنة الاخيرة لنا فلازم نشد حيلنا اكثر مع الدراسة وقربت الاختارات كمان للترم الاول ... ومرت الحصص و الوقت مر بسرعة و انصرفنا و جا السواق و الفلوس معايا قلتله : وديني السوق احسن يكون محل the body shop  و اشتريتلها طقم في صابون و كريم و مرطب و شامبو عبوة صغير كلها احجامها صغار و ريحتها تجنن و رحت محل تاني عشان اشتري لفة غلاف لونه احمر و اشتيرت شريطة لونها ابيض و رجعت البيت اتيحبت بشويش على ارفتي و غلفت العلبة و حطيت الشريطة و بعدييين غيرت ملابسي و اتروشت و اتغديت و بعدين حطيت الهدية سريرها و نسيت اقلكم اشتريتلها وردة حمرة و لصقت في نفس الوردة بطاقة مكتوب عليها اهداء الي امي العزيزة و بعدين قعدت اذاكر شوية قبل لا يحين موعد ذهابي و في نص مذاكرتي دخلت عليا امي و باستني في راسي و قالت لي: يعطيكي الف عافية يا بنتي والله  شكراً شكراً تعبتني نفسك عليا يا بنتي بس بأي مناسبة جبتيلي الهدية ؟
قلت لها: لا ولاشي بس كدا مفاجأة لك
و شوية اسمع اختي اسيل و اختي انمار يقولوا : واحنا ما جبتيلنا شي ؟
قلتلهم : لا معليش يا حبايبي ماجبتلكم شي عشان الفلوس ما تكفي بالقوة حمعت الفلوس و فوق كدا شغلي كان يتعب
قالولي : طيب
و امي قالت لي : شكرا يابنتي و الله ماشاء الله ذوقك حلو بس لو تغيري اثاث الغرفة مرة الغرفة حقتك تظايقني
قلت لها : لا يا امي معليش ما ابا اغيرها
قالت لي: طيب يا بنتي بس اقري على نفسك وحصني نفسك كثير
قلت لها: طيب ان شاء الله
و... مر الوقت و جا الموعد الي رح اروح مع صحباتي عند الساحر اشرف و رحت عند امي هي كانت جالسة في الصالة و تشرب شاهي اخضر و تتفرج تلفزيون على قناة إقرأ و قلت لها: انا ابا ازور صحبتي يارا و هي عزمت كل صحباتي عندها يا ماما و رح تكون دي اول مرة اروح فيها حفله يكونوا فيها صحباتي كلهم صحباتي و ابا اروح بدون اختي رشا
قالت لي بس يا بنتي مو بكرة عندك مدرسة ؟ و بعدين متى حترجعي و مين يوديكي هناك السواق ما يعرف البيت
قلت لها : عادي اخويا فيصل طيب وحنون و اخليه يوديني و انا بكرة اتغدى عندهم و ارجع على البيت و اما بالنسبة للمدرسة هو يوم واحد و بكرة خميس و ماعندي شي
قالت لي : طيب خلاص روحي بس استأذني من ابوكي اول شي
قلت لها : طيب، شكرا يا ست الحبايب
قالت لي : عفوا يا بنتي الله لا يوريني شر منك
و انا رايحة عند ابويا قلت لها: امين يا امي!
ورحت عند ابويا و كان جالس على مكتبه و يشرب قهوة و دقيت الباب ( طق طق طق ) وانا بفتح الباب و بقول : السلام عليكم
در علي : وعليكم السلام ها يا بنتي كيف حالك؟
قلت له : الحمد لله طيبة يا بابا و انت كيف حالك و كيف الشغل معاك ؟
قال لي : الحمد لله كل شي تمام ... ها بغيتي شي؟
قلت له : سلامتك بس كنت ابا اقلك ابا اروح عند صحبتي يارا هي عزمتني و عزمت كل صحباتي الحفلة رح تكون الين اليوم التاني ادق على اخويا فيصل و يجيبني فا... كنت ابا استأذن منك اروح ولا ﻷ
قال لي : طيب روحي يا بنتي بس انتبهي على نفسك
قلت له : طيب ان شاء الله يا بابا
و وصلني فيصل عند بيت يارا و كان الكل مجتمعين هناك و انا كنت اخر وحده و صلت و قلت لفيصل : خلاص البيت بعدين انا ادق عليك تجي تاخذني
رد علي: ان شاء الله بس انتبهي لنفسك
قلت له : طيب ان شاء الله
وقفلت الباب و رحت عند يارا و سلممت عليهم و كنا مستعدين عشان نروح بيت جارة يارا الي تعرف الساحر و رحنا عند الجارة و اسمها فوزية و دلتنا عليه و اعطتنا ورقة فيه عنوان الساحر و عبير قالت :طيب يا فوزية ايش رأيك تروحي معانا؟
ردت و هي مرتبكة : م م مين ا ا ا انا ؟! لا يا حبيبتي انا مارح اروح معاكم انا يكفيني الي فيني و بعدين انتوا ليش عنده ايش تبغوا منه مثلا؟!
ردت عليها هند عشان عبير ما عرفت ايش ترد : لا احنا مانبى نسوي شي بس كدا بنسأل يعني هو حرام نسأل؟
فوزية ردت و هي معصبه و الواضح انها خايفة في نفس الوقت : لا مو حرام !

التعريف بالشخصيات

انا سحر وعمري 18 سنه و صحباتي هم عبير و يارا وسماهر وهند و امي اسمها آمنه و ابويا اسمه عبد الرحيم .

انا كنت وحدة احب افلام الرعب و كل شي مرعب و كاتت غرفتي عبارة عن جدار اسود مخطط بالاحمر المتعرج والعشوائي و كان لون الخطوط احمر بلون الدم و في كم دمية بلاستكية في اركان الغرفة كان شكلها هيكل عظمي و كان في جدار كله اقنعة وحوش وكانت اشكال و انواع مختلفة كنت كل ما اسافر اجمعلي كم حبة و احطها في صندوق الين دحين علقتها في جدار من جدران الغرفة و في جدار فيه دولاب مليان اشرطة لأفلام الرعب سواء ان كانت آسيوية او اوروبية او امريكية و سريري كان في وسط الغرفة و كان شكله على شكل جمجمة و كنت معلقة جماجم الي جمجمة فاتحة فمعا كأنها بتصيح و اشكال كثيرة و على فكرة غرفتي كانت مليانة شموع و يعني في داك الوقت دوبنا اشترينا البيت جديد.

احب اعرفكم على العيلة زي ما قلت ابويا اسمه عبد الرحيم وعمره 48 سنة و هو اب طيب وحنون و ينفذلنا الي نباه بس بشرط اذا كان يشوف اذا كان دا الشي يسير ينفذلنا ولا ﻷ، وامي اسمها آمنة زي ما قلت و عمرها 46 و هي ام شديدة شوية و ملتزمة يعني ما تسمع اغاني ابدا و تحافظ على صلاواتها و حتى السنن الرواتب و ماتروح عزايم كثير يمكن حتى يمديني اروح بدالها وكمان انا مرة عنيدة يعني لما احد يبغى يقنعني على شي وانا مو مقتنعه فيه فأنا اصر على اني اروح بدالها الين امي توافق او احد من اخواتي او اخواني ، و اخويا الكبير اسمه فيصل و عمره 25 سنه وهو شاطر في شغله و صار وريث جدي وابويا في الشركة يعني هو المسؤول عن كل شي واحنا من اغنياء السعودية و عندنا كم فرع منتشر في السعودية و قليل منتشر في البحرين و الكويت بس الشركة الاساسية في الرياض واحنا نسكن في الرياض، و اختي ميار و عمرها 24 سنة و هي كمان وحدة شاطرة في شغلها و شغلها هو دكتورة اطفال و هي و اخويا فيصل دايما متفقين مع بعض في اغلب الاشياء و هم يحبوا الهدوء، و اخويا سامي عمره 22 سنة و هو واحد بارد الاعصاب ما يميزه شي عن بقية اخواني بس الشي الي يميزه انوا هو بشرته افتح من بشرة بقية اخواني و شعره مايل للون الاشقر، و اختي رشا و عمرها 20 سنه و هي كمان زي اخويا سامي ما يهتموا في شي غير انو سامي ملابسه ملفته شوية و اختي رشا ما تهتم في الموضه، و انا، واخويا عقيل عمره 16 سنه هو طالب في الثنوي و هو يعتبروه اولاد عمي واحد فله ما يهمه شي غير دراسته و لعبه بالسوني، و اخواتي اسيل و انمار هم توأم وعمرهم 14 سنة.